Milliy gvardiya hızmetçisi Markivniñ davası: mayısnıñ 24-nde İtaliyada nevbettki mahkeme oturışı olacaq

uatv
21.05.2019
Foto Facebook oles.horodetskyy

Cuma künü, mayısnıñ 24-nde, Paviya (İtaliya) şeeri mahkemesi Milliy gvardiya hızmetçisi Vitaliy Markivniñ davası baqmağa devam etecek.

Bu endi 14-nci mahkeme oturışı olacaq, dep yazdı İtaliyadaki ukrainlerniñ Hristian toplulığı reisi Öles Gorodetskıy Facebookta.

Mahkemeci tahqiqiy deñev keçirilmesine, facia yüz bergen yeriniñ baqılmasına qarar alacağı ve imaye tarafı teklif etken diger sualler baqıp çıqacağı ve bunıñ ile prokuror soñki söznen çıqış etecegi beklenile.

Öles Goorodetskıy pervasız olmağan er kesni mahkeme oturuşında iştirak etmege çağırdı. O, şu künü Ayndrea Rokelle ölmesinden 5 yıl tolğanını qayd etti. Onıñ ölüminde ukrain qabaatlanıla.

2014 senesi mayısnıñ 24-nde Slavânsk şeeri yanındaki Andriivka köyünde mina ateşi neticesinde frenk foto jurnalisti Uilyam Roglon yaralandı, italyan foto mühbiri Andrea Rokelle ve onıñ rusiyeli şerigi Andrey Mironov elâk oldı.

Mahkeme daa 2018 senesi noyabr ayında başlandı ve alâ daa devam etmekte. Vitaliy Markiv Andrea Rokelle ve Andrey Mironovnıñ ölüminde öz qabaatını inkâr ete.

Menba UATV
tarih 21.05.2019
kategoriyalar UKRAİNA DÜNYADA
paylaşmaq
UA|TV top haberleri