Mike Pompeo ve Vadım Prıstayko birinci sefer telefonnen qonuştılar

uatv
18.09.2019
Foto PO

Amerika Birleşken Devletleri devlet kâtibi Mike Pompeo ve Ukraina Tışqı işler naziri Vadım Prıstayko birinci kerek telefonnen laf ettiler. Qonuşma vaqtında Amerika Devlet departamentiniñ başı, Washingtonnıñ Ukrainağa deñişmegen destegini bildirdi.

Bu aqta Amerika Devlet departamentiniñ matbuat hızmeti haber ete.

“Devlet kâtibi Mike Pompeo Ukraina Tışqı işler naziri Vadım Prıstaykonen laf etti. Devlet kâti Pompeo Tışqı işler naziri Prıstaykonı yaqında vazifesine tayin etilmesinen hayırladı ve Amerika Birleşken Devletleriniñ Ukrainağa destegini bildirdi. Bu, müim islâatlar ömürge keçirüv yolu, şu cümleden qabarcılıqqa qarşı küreş, uquq üstünliginiñ pekitilüvi ve reqabet ve yatırımlarğa yol açqan iqtisadiy müitniñ yaratıluvı”, – yazıla malümatta.

Mike Pompeo, Amerika Birleşken Devletleriniñ Ukraina topraq bütünligine deñişmegen destegini bildirdi.

Evel, Amerika Birleşken Devletleriniñ Devlet kâtibi Mike Pompeo qayd etti ki, Avropa memleketleri energetika saasında Rusige bağlı olmaması içün energiya teslimatı menbalarını çeşitlendirmek kerek.

Menba UATV
tarih 18.09.2019
kategoriyalar SİYASET
paylaşmaq
UA|TV top haberleri