Mike Pompeo, Golan töpeleri ve Qırım arasındaki vaziyetiniñ farqı aqqında

uatv
10.04.2019
Foto Ukrinform-UATV

İsrail, Golan töpelerini “ucümge oğrağan” soñ idare etmege başladı. Ukrainanıñ Qırımı ise iç bir şekilde Rusiyeni tehdit etmedi, o sadece adanı aldı da zapt etti.

Bunı ABD devlet kâtibi Mike Pompeo, İsrail tarafından Golan töpeleriniñ ilhaqı ve Rusiye tarafından Qırım işğaliniñ arasındaki farqını añlatqanında bildirdi. Bu aqta Avropa aqiqatı haber ete.

“Bulardan daa da farqlı vaziyetler olamaz”, – dedi devlet kâtibi.

Onıñ sözlerine köre, İsrail Suriye rejimine qarşı turmaq içün Golan töpelerini zapt etmege mecbur oldı.

“Rusiye özüni mudafaa etmedi de. Rusiye, oña iç bir telüke köstermegen halqtan topraqlarını elge keçirmek içün kelişken vaqıt bekledi”, – dedi Amerika siyasetçisi.

Hatırlatmız ki, martnıñ 25-nde ABD Prezidenti Donald Trump bir vesiqa imzaladı. Oña köre, Birleşken Devletleri Golan töpelerini İsrail qısmı olaraq qabul ete.

Ukraina ise Golan töpelerini İsrail qısmı olaraq tanımadı. Çünki memleketimiz BMT Nazimnamesine köre areket ete ve YUMT Telükesizilik Şurasınıñ qararlarını yerine ketire.

Birleşken Milletler Teşkilâtı, ABD Prezidenti Donald Trump imzalağan beyannamege baqmadan, Gollan töpelerini İsrail qısmı olaraq tanımay. Çünki 1967 senesi İsrail Suriyeniñ qısmını zapt etti. O vaqıttan berli BMT pozitsiyası deñizmedi.

Menba Avropa aqiqatı
tarih 10.04.2019
kategoriyalar QIRIM
paylaşmaq
UA|TV top haberleri