Merkeziy saylav komissiyası çetel saylav bölükleri protokollarınıñ 100 faizini sayıp çıqtı

uatv
22.07.2019
Foto AР

Merkeziy saylav komissiyası nevbetten tış parlament saylavlarında çetel saylav bölükleri protokollarınıñ 100 faizini sayıp çıqtı.

Bu aqta Merkeziy saylav komissiyası saytında haber etile.

Bu malümatqa köre, birinci yerni 29,55% “Avropa birdemligi” (Yevropeyska Solidarnit) firqası qazana. Ekinci yerde “Halq hızmetçisi” (“Sluğa narodu”) firqası – 28,13%, üçünci “Ses” (“Ğolos”) – 19,67 %.

Soñra Şariynin siyasiy fırqası – 4,41 %, “Svoboda” (“Azatlıq”) – 4,25 %, “Muhalifet platforması – Yaşayış içün” (“Oppozıtsiyna platforma – Za jittâ”) -3,6%,”Vatan” (“Batkivşçına”) – 2,01%.

Hatırlatamız: İyülniñ 21-nde Ukrainada nevbetten tış parlament saylavları olıp keçti.

Merkeziy saylav komissiyasınıñ malümatına köre, saylayıcılarnıñ 49,84%-ı rey berdi. Bu raqam Ukraina parlament saylavlarında saylayıcılarnıñ faaligine köre eñ alçaq oldı.

Polis, milliy gvardiya, qırtarıcılar ve sıñırcılar iç bir bozuvlarnı qayd etmedi.

Menba UATV
tarih 22.07.2019
kategoriyalar UKRAİNA DÜNYADA
paylaşmaq
UA|TV top haberleri