Menlik yürüşi: Cemilev, Meclis aktsiyası vaqtında tevqif etüvler ola bilir, dep tüşüne

uatv
10.02.2020
Foto Ukrinform-UATV

Qırımtatar halqı lideri, Ukraina halq mebusı Mustafa Cemilev “Dünya zorbalıq ve işğalge qarşı. Menlik yürüşi” halqara zorbalıqsız barışıq aktsiya aqqında aytıp berdi.

Bu aqta o Qırım. Aqiqatqa ikâye etti.

Mustafa Cemilev, Meclis aktsiyası vaqtında işğalciler tarafından tevqif etüvler ola bilir, dep tüşüne.

“Madam ki, bu normal bir devlet (Rusiye) olmamağını içün, men yaş sıñırlanmasını uydurdım, yani birinci sıralarda ortalama ömür müddetini yaşağanlar (73 yaş) olacaq. Men özüm bu kategoriyağa kirem, men anda olacam”, – dedi o.

Onıñ aytqanına köre, aktsiyağa pek çoq Yuqarı Rada mebusları qoşulacaq.

Avropa Birdemligi tam terkipte, bundan ğayrı destegini “Ses”, “Vatan” ve “Halq hızmetçisi” temsilcileri de bildirdi. Biz elbette ki Avropa Parlamenti ve Avropa Şurası Parlament Assambleyassı mebuslarınıñ diqqatını celp etmege isteymiz. Bu aqta daa qonuşacaqmız. Men bellesem Amerika Birleşken Devletlerinden de temsilciler olacaq – bazı kongressmenlayer”, – dedi Cemilev.

O qayd etti ki, bu barışıq aktsiya ve onıñ maqsadı Qırım meselesini kötermegedir.

Oquñız: Qırımtatar halqı lideri, Ukraina halq mebusı Mustafa Cemilevniñ fikrince, deñişüv çerçivesinde ilk-evelâ mahkümiyet müddetleri çoq olğan Qırım sakinleri azat etilmek kerek.

Джерело UATV
дата 10.02.2020
категорії UKRAİNA
поділитися
Топ новин на UA|TV