Memleketlerara para fondu Ukrainanıñ Stand-by programması şartlarınıñ eda etüvine müsbet qıymet kesti

uatv
19.03.2019
Foto Ukrinform-UATV

Keçken afta Ukrainada işini yekünlegen Memleketlerara para fondunıñ missiyası yañı Stand-by programmasınıñ eda etilüvine müsbet qıymet kesti.

Bu aqta Maliye naziri Oksana Markarova NV Radionıñ yayınında bildirdi.

Yañı programmanıñ yañıdan baqıluvı mayıs-iyün ayında olacaq, dedi o.

“Keçken afta Memleketlerara para fondunıñ tehnikiy missiyası öz işini yekünledi. Böyle missiya, yañı programmağa köre nasıl tarzda ilerilegenimizni baqmaq içün kele. Ve o programma şartlarınıñ eda etüvine müsbet qıymet kesti”.

Bunıñ ile nazir, çetel ortaqlar qanunsız zenginleşüv aqqında maddelerniñ lâğu etilüvine dair Esas qanun mahkemesiniñ qararından raatsız olğanlarını qoştı.

Evel, Ukraina baş naziriniñ birinci muavini Pavlo Rozenko, Ukraian iqtisadiyatı Memleketlerara para fondunıñ tahminlerinden daa tez artqanını bildirdi.

Menba UATV
tarih 19.03.2019
kategoriyalar İQTİSADİYAT
paylaşmaq
UA|TV top haberleri