Meclis qırımtatar halqı genotsidını mahkeme seviyesinde tanımağa çağıruv yaptı

uatv
17.05.2019
Foto Ukrinform-UATV

Qırımtatar halqınıñ sürgünligi mahkemede genotsid olaraq qabul etilmek kerek. Amma bundan evel bu sual açıq cemaat munaqaşaları vaqtında muzakere etilmek kerek.

Bu aqta Qırımtatar resurs merkeziniñ reisi, qırımtatar Milliy meclis azası Eskender Bariyev bildirdi, dep haber ete Ukrinform.

“Qırımtatar halqı sürgün etilmesiniñ 75 yıllığı arfesinde, 1944 senesi qırımtatarlağa qarşı yapılğan zulum tam mahkeme tarafından genotsid olaraq qabul etilmesi içün epimiz – siyasetçiler, cemaat erbaplar, adliyeciler ve tarihçiler nasıl areket etmelimiz kibi meseleni muzaker etmek içün biz açıq munaqaşalar keçirmek isteymiz” , -dedi Bariyev.

Buna ait qararnı, qırımtatar halqı sürgünligi genotsid olğanı aqqında mayısnıñ 9-nda Letoniya Seymi qabul etti. Aq-uquq qoruyıcılar ve cemat faalleri bu yönelişte Litvaniya, Estoniya, Poloniya ve Almaniyanen iş alıp barmaqtalar.

“Bu künleri qırımtatar halqı lideri Mustafa Cemilev Kanadada buluna, ve anada da sürgünlik genotsiod olaraq qabul etilecegini bekleymiz”, – dedi Bariyev.

Qırımtatar halqı sürgünliginiñ yıllığına Kyivde matem miting ve bir sıra diger merasimler ötkerilecek.

Menba Ukrinform
tarih 17.05.2019
kategoriyalar QIRIM
paylaşmaq
UA|TV top haberleri