Magnitogorskta qurtarıcılar dağıluvlar tübünde 37 ölgen adamnıñ cesetlerini taptı

Daa 4 kişiniñ taqdiri bellisizdir

uatv
03.01.2019

Foto RF Çelâbinsk vilâyeti valisiniñ matbuat hızmeti

Rusiyede on qatlı ev dağılğanı sebebinden elâk olğanlarnıñ sayısı artmağa devam ete, haber ete RF Fevqualade vaqialar nazirligi.

“Qıdıruv-qurtaruv ameliyatı başlanğanından berli saat 6:25 qadar dağıluvlar tübünde 43 adam tapılıp çıqarıldı, olardan 37 öldi, şu cümleden 6 bala, daa 6 kişi – qurtarıldı, şu cümleden 2 bala”, – yazıla bildirüvde.

Episi qazağa oğrağanlar hastahanege ketirildi. Daa 4 kişiniñ taqdiri bellisizdir.

HATIRLATAMIZ: 2018 senesi dekabrniñ 31-nde, saba erte on qatlı mesken evniñ dairelerinden birisinde gaznıñ qaçuvı sebebinde patlav oldı. Neticede binağa bir kiriş dağıldı.

Menba UATV
tarih 03.01.2019
kategoriyalar Dünya
paylaşmaq
UA|TV top haberleri