Macaristan Ukraina-NATO Komissiyasi işine keder etmekni yaqın vaqıtta toqtata bile, – Prıstayko

uatv
04.12.2019
Foto PO

Ukraina Tışqı işler nazirligi, Macaristan yaqın vaqıtta siyasiy seviyede Ukraina-NATO Komissiyasınıñ keçirilüvine keder etmekni toqtatacağını bekley. Bu, Ukraina “Orta tasil aqqında” qanun qabul etken soñ ola bile.

Bu aqta Ukraina Tışqı işler naziri Vadım Prıstayko Londrada NATO Engages konferentsiyası vaqıtnda jurnalistlernen laf etkende bildiri.

“Bu künlerde parlament, Venedik komissiyasınıñ yedinci ve soñki tevsiyesiniñ çezilmesini közde tutqan orta tasil aqqında qanunı baqacaq. Rey berüvden soñ, Yuqarı Radanıñ kün tertibinde o endi bar, Macaristan Ukraina-NATO Komissiya işine keder etmekni toqtatacaq dep resmiy seviyede ilân etecegini bekleyim”, – dedi Prıstayko.

Mezkür qanun macar hususiy mekteplerni “Tasil aqqında” qanunnıñ “til maddesiniñ” talaplarından boşatacaq.

Hatırlatamız: Evel Ukraina Tışqı işler nazirligi Ukrainada Macaristan elçisi İştvana İydârtonı davet etip narazılıq notasını berdi. Sebep, elçiniñ Ukrainada Macaristan milliy azlıqlarnıñ muhtariyeti ve Budapeşt Ukraina-NATO Komissiya işine keder etecegi aqqında bildirüvi oldı.

Джерело UATV
дата 04.12.2019
категорії UKRAİNA
поділитися
Топ новин на UA|TV