Mabüsler deñişüvi, mutareke, saylavlar: Zelenskıy Normandiya dördü sammitiniñ müim meselelerini seslendirdi

uatv
02.12.2019
Foto PO

Ukraina prezidenti Volodımır Zelenskıy, “Normandiya dördü” liderleriniñ körüşüvinde muzakere içün üç müim mesele olğanını qayd etti.

Bu aqta o intervyü vaqtında Spiegel alman jurnalına bildirdi.

Zelenskıynıñ aytqanına köre, birinci nevbette turğan mesele – mabüsler deñişüvi.Prezident, Frenkistan ve Almaniya buna qoltutqanlarına emin. Bunıñ ile o, “Rusiyeniñ buna karşı olacağınıñ sebeplerini körmey” dep bqayd etti.

Muzakere etilmek kerek olğan ekinci mesele – mutareke etmek. Üçünci mesle – Donbassta saylavlarnıñ keçirilmesi. Zelenskıynıñ bildirgenine köre, saylavlar tek bütün qanunsız silâlı müfrezeler andan çıqqan soñ keçirile bile. Bundan ğayrı ukrain fırqaları saylavlarda eştirak etip olmaq kerek ve Merkeziy saylav komissiyası, közeticiler, jurnalistler ve Avropada işbirlik ve telükesizlik teşkilâtınıñ temsilcilerine bir türlü manialar olmamaq kerek.

“Bu üç mesele çezilgende, körersiñiz, z cenkniñ bitmesini epimi isteymizmi. Amma, Rusiye bunı kerçek isteyimi, körermiz”, – dedi devlet başı.

“Normandiya dördü” sammiti dekabrniñ 9-nda Pariste olıp keçecek.

Джерело UATV
дата 02.12.2019
категорії SİYASET
поділитися
Топ новин на UA|TV