Lvivska vilâyetinde qadimiy kitaplarnıñ unikal sergisi taqdim etildi

Kitaplar leh, frenk, latn ve eski slavân tillerinde yazılğan

uatv
21.11.2018

Foto oblrada.lviv.ua saytından

Lviv vilâyetiniñ Sknilov köyünde unikal qadimiy kitaplarnıñ yañı ekspozitsiyası taqdim etildi. Teşebbbüsçi ve eksponatlar saibi Anatoliy Nedilskiy qayd etti ki, serginiñ esas üstünliklerden birisi serbet kirüvdir.

Bu aqta Lvivska vilâyet şurasınıñ matbuat hızmeti haber ete.

Tesisçiniñ sözlerine köre, taqdim etilgen kitaplarnı elge almaq, saifelerni çevirmek, oqumaq ve daa hatıra olaraq foto yapmaq mümkün. Bildirüvde denile ki, müzey binası kitaphanelerniñ klassik mahzenlerine beñzemey, bu yerde olarnı tiymek mümkün.

“Menim esas vazifem – gençlerni meraqlandırmaq ve mümkün olğanına qadar çoqça adamnı müzeyniñ ziyaretine cel ettirmek”, – qayd ete anatoliy Nedilskiy.

Kitaplar toplamını lviv sakini 20-den ziyade yıl topalağan ve tek şimdi onı adamlarğa köstermek qarar alğan. Mında XVI-XVIII asırlarnıñ kitaplarını rastketirmek mümkün. Olardan bazıları yekâne nushadalar.

“Ekâneligi şundak ki, Ukrainada cemaat içün açıq olğan qadimiy kitaplarnıñ ilk hususiy toplamıdır. Kitaphane bedavadır, er istegen, merağı olğan, kelip kitapnı ala, baqa, oquy bile ve eksponatlar saibinden ne aqqında kitap olğanını saray bile”, – qayd etti toplayıcı.

Taqdim etilgen kitaplar leh, frenk, latn ve eski slavân tillerinde yazılğan.

Menba UATV
tarih 21.11.2018
kategoriyalar TURİZM
paylaşmaq
UA|TV top haberleri