Lviv vilâyetinde açıq avada müzey meydanğa ketirilecek

Leyha çerçivesinde sergilengen şeyler Drogobıç şeeriniñ çeşit köşelerine yerleştirilecek

uatv
14.01.2019

Foto Drogobıç şeer şurası

Lviv vilâyetinde, “Drogobıç- bahtlı adamlar şeeri” turistik strategiyası çerçivesinde soqaq müzeyi yaratılacaq

Bu aqta Drogobıç turistik-malümat merkezi reberi İgor Çava bildirdi, haber ete Zruchno.Travel neşri.

“Kerçekten soqaq müzeyi bir degil, bir sıra şeer turistik leyhaları. Soqaq müzeyiniñ er bir eksponatı – bu özgün tarihına malik olğan er kes içün açıq yerdir. Böylece, şeer kafelerinden birisiniñ hanesinde soqaq müzeyiniñ birinci eksponatı yerleştirildi – keçken asırnıñ 20-nci senelerinden qalğan çalışqan eski telefon”, – tarif etti İgor Çava.

Müzeyniñ ekinci eksponatı, tereklerniñ kevdeleri üstünde yerleştirilgen bediiy kompozitsiya. Bunıñ ile yapılğan leyhalar cedvelinde keçken sene yapılğan mural bar.

Eksponatlarnıñ daa birisi – interaktiv kerosin feneri. Ziyaretçiler onı öz elinen yaqa bilecekler.

Bundan ğayrı, şimdiki vaqıtta “selfi noqtalarınıñ” yaratıluvı üzerinde iş devam etilgeni de qayd etile.

“Selfi çekmek içün eñ yahşı kelişken yerlerniñ koordinatlarınen canlı-harita azırlanıldı”, – dedi İgor Çava.

Menba Zruchno.Travel
tarih 14.01.2019
kategoriyalar TURİZM
paylaşmaq
UA|TV top haberleri