Lüksemburg, gumanitar leyhalarnıñ kerçekleştirilüvi içün Ukrainağa €500 biñ berecek

uatv
26.03.2019

Lüksemburg, gumanitar leyhalarnıñ kerçekleştirilüvi içün Ukrainağa €500 biñ berecek. Bu aqta memleketniñ Tışqı işler naziri Jan Asselborn bildirdi.

Bunı Avropa aqiqatı haber ete.

“2,5 million yevro endi berdik, şimdi ise 500 biñ yevro miqdarında yañı maliyeviy yardım azırlanmaqta. O UNICEF ve Qızıl Haç teşkilâtları vastasınen berile. Bu yardım gumanitar meseleler, tasil, bala qoruvı, ağır içtimaiy vaziyette olğanlar içün ayırılacaq”, – dedi Jan Asselborn.

Onıñ sözlerine köre, Lüksemburg ve Avropa Birligi Ukraina topraq bütünligine, mustaqilligine ve suverenitetine qoltuta.

Ayrıca, memlekette saylavlar yaqınlaşqanına baqmadan islâatlar siyasetiniñ saqlap qaluvı müim olğanını qayd etti.

Menba Avropa aqiqatı
tarih 26.03.2019
kategoriyalar İQTİSADİYAT
paylaşmaq
UA|TV top haberleri