Lüdmila Denisova Türkiye ombudsmenına 115 Kreml mabüsi aqqında malümat berdi

uatv
19.11.2019
Foto Facebook Lüdmila Denisova

Ukraina Yuqarı Radası insan aqları vekâletlisi Lüdmila Denisova ve onıñ Türkiye zenaatdaşı Şeref Malkoç Halqara ombudsmenler konferentsiyası çerçivesinde körüştiler.

Bu aqta Lüdmila Denisova öz Facebook saifesinde yazdı.

“Körüşüvde eñ müim şeyler aqqınla laf ettik – Rusiye Federatsiyası ve vaqtınca işğal etilgen Qırımda azatlıqtan marum etilgen 115 vatandaşımıznıñ evlerine qaytuvı”, – haber etti o.

Ombudsmen 115 Ukraina vatandaşı, şu cümleden 87 qırımtatar aqqında malümatnen cedvel berdi ve ukrain siyasiy mabüslerniñ evlerine qaytuvı içün işbirlikni arttırmağa ricanen muracaat etti.

“Donetsk ve Lugansk vilâyetleriniñ vaqtınca işğal etilgen bölgelerinde bar olğan meseleler, qıyınlıqlar aqkında Şeref Malkoçnı haberdar ettim. Söz, Rusiye bu topraqlarda ötkergen büyük malümat propagandası, siyasetleştirüv, balalar arasında askeriyleştirüv ve insanlarnıñ içtimaiy ve iqtisadiy aqlarınıñ muntazam surette bozuvları aqqında edi”, – dep qoştı ukrain ombudsmenı.

Öz nevbetinde Malkoç, öz destegini bildirdi ve ukraina vatandaşlarınıñ qaytması oğrundaki küreşte yardımn ve işbirlikni quvetleştirmege söz berdi.

Oquñız: İstanbulda halqara ombudsmenler konferentsiyası açıldı.

Menba UATV
tarih 19.11.2019
kategoriyalar KREML MABÜSLERİ
paylaşmaq
UA|TV top haberleri