Lüdmila Denisova siyasiy mabüs Gafarovğa tibbiy yardım kösterilmesini istey

uatv
07.12.2019
Foto korrespondent.net

Ukraina Yuqarı Radası insan aqları vekâletlisi Lümila Denisova Rusiye ombudsmenı Tatyana Moskalkovağa muracaat etip ondan Aqmescit taqiqat tevqifhanesinde tutulğan qırımtatar siyasiy mabüsi Cemil Gafarovnıñ tolu tibbiy baqıluv yapılmasına ve kerekli tibbiy yardım kösterilsine yardım etmesini istegen.

Bu aqta Ukraina ombudsmenı Facebook saifesinde yazdı.

“Ukraina vatandaşında sağlıq alı pek fenelaştı. Cemil Gafarov, büyrek hastalığı ağırlaması aqqında bildirdi, içikleri, yüregi ve qulağınen problemalar bar. Bundan ğayrı siyasiy mabüs üç afta devamında öksürükten qıynala”, – yazdı Denisova.

Cemil Gafarov taqiqat tevqifhanesiniñ tibbiyet bölügüne muracaat etken amma oña yardım kösterilmegen.

Hatırlatamız: Cemil Gafarov üçünci gruppa saqatı, devamlı büyrek ve onen bağlı yürek hastalıqları bar. İlâclarnı qabul etmegenlerinden ğayrı, Gafarovnıñ hastahanege qoymasını da red ettiler.

2019 senesi martnıñ 27-nde Federal telükesizlik hızmeti, Rusiye İç işler nazirligi ve Rusiye gvardiyasınıñ hadimleri Qırımda qırımtatarlarnıñ, şu cümleden “Qırım birdemligi” cemaat birleşmesi faalleriniñ evlerinde kütleviy tintüvler keçirdi. 

Bu dava boyunca 25 qırımtatar qabaatlanıla, 23-yu Rostov-na-Donu, Taganrog ve Şahtı taqiqat tevqifhanelerine çıqarıldı. Raim Ayvazov Aqmescit taqiqat tevqifhanesinde tutula, daa bir kişi – Edem Yayaçikov – ğayıp oldı, bulunğan yeri martnıñ 27-nden berli belli degil.

Oquñız: Oktâbrniñ 25-den başlap ekinci Aqmescit “Hizb ut-Tahrir dava” mabüsi Cemil Gafarovğa kerekli ilâclar berilmey.


Джерело UATV
дата 07.12.2019
категорії KREML MABÜSLERİ
поділитися
Топ новин на UA|TV