Lüdmila Denisova 113 Kreml mabüsi aqqında Rusiyenen kene laf etecek

uatv
19.09.2019
Foto Ukrinform-UATV

Ukraina Yuqarı Rada insan aqları vekâletlisi Lüdmila Denisova, sentâbrniñ 7-nde azat etilgen ve alâ daa Rusiye ve işğal etilgen Qırımda apiste tutulğan ukrain siyasiy mabüslerniñ qorantalarınen körüşti.

Bu aqta o öz Facebook saifesinde yazdı.

Körüşüv vaqtında, azat etüv esnasınen bağlı bütün meseleler muzakere etilgen.

Denisovanıñ aytqanına köre, fizik ve maneviy sağlıq meselesi ve Rusiyede tutulğan ukrainlerniñ tibbiy yardımğa irişüvi müim olıp qala. Şunıñ içün ombudsmen, Rusiye insan aqları vekâletlisi Tatyana Moskalkovağa tekrar muracaat etecek.

Rusiyede ve işğal etilgen Qırımda alâ daa apiste qalğan Ukraina vatandaşlarınıñ azat etilmesi ve qaytması içün er kün iş yapıla.

“Qayd etem ki, Ukraina ve Rusiye 2019 senesi iyülniñ 16-nda deñişken cedvelde 113 Ukraina vatandaşından er birisi azat etilecek birinci kişi ola. 113 ukrain eñ yaqın vaqıtta Vatanğa qaytsın dep, er şey yapıla”, – dedi Denisova.

Menba UATV
tarih 19.09.2019
kategoriyalar KREML MABÜSLERİ
paylaşmaq
UA|TV top haberleri