Londrada, Kremlniñ ukrain siyasiy mabüslerine qol tutmaq içün 30 kün devam etken aktsiya keçirildi

Faaller, narazılıq numayışını er çarşenbe künü aqşam devam etmege niyetinde olğanlarını bildirdiler

uatv
28.12.2018
Foto Ukrinform-UATV

Londrada, Ukraina vatandaşları ve olarnıñ yerli dostları, ukrain siyasiy mabüslerini ve esir arbiy deñizcilerini azat etmege talabınen 30 devamında narazılıq aktsiyalar keçire edi.

Bu aqta Ukrinform bildire.

“Ukrainada 30 kunge ilân etilgen cenk vaziyetine qol tutmaq içün, “Londra Yevromaydan” göñüllileri ve bir çoq memleketten Ukraina dostları, Büyük Britaniya baş naziriniñ ofisi yanında, Ukrainağa qarşı Rusiyeniñ devamlı tecavuzına ve 70 siyasiy mabüs ve 24 esir arbiy deñizciniñ taqdirlerine cemaatçılıq diqqatını celp ettirmek maqsadınen 30 kün devam etken narazılıq numayışını keçirdiler”, – dep qayd ettiler teşkilâtçılar.

Göñülliler narazılıq numayışını paytahtnıñ merkezinde, Büyük Britaniya baş naziri Theresa Maynıñ ofisi yanında keçirdiler. Olar, Britaniya baş naziri ukrainlerniñ aktsiyasını körgenini qayd ettiler.

“Londra Yevromaydan” birliginiñ faalleri, narazılıq numayışını er çarşenbe künü aqşam devam etmege niyetinde olğanlarını bildirdiler.

Menba Ukrinform
tarih 28.12.2018
kategoriyalar UKRAİNA DÜNYADA
paylaşmaq
UA|TV top haberleri