Litvaniyada saylavlar: ekinci turnıñ namzetleri belli oldı

uatv
13.05.2019
Foto АР

Mayısnıñ 12-de Litvaniyada prezident saylavlarınıñ birinci turı olıp keçti. Namzetlerden iç birisi reylerniñ 50 faizinden ziyadesini almadı. Böylece ekinci turda sabıq maliye naziri İngrid Şimonite (31,13% ) ve iqtisatçı Gitanas Nauseda (30,95%) iştirak etecek.

Bu aqta Avropa aqiqatı haber ete.

Üçünci yerde şimdiki baş nazir Saulüs Skvernâlis. Oña saylayıcılarnıñ 19,72 faizi rey berdi.

Ekinci turda prezident vazifesi içün küreşecek eki namzet da, avropalı tışqı siyasetini ve Ukrainağa destekni ilân etti.

Bunıñ ile prezident saylavları arfesinde Litvaniyada eali memleketniñ Esas qanunını deñiştirmemege qarar alğan eki referendum keçirildi. Çift vatandaşlığınıñ arttırmaları ve parlament azalarınıñ sayısını azlaştırmaları teklif etilgen edi.

Litvaniya prezidentiniñ ekinci turı mayısnıñ 26-na planlaştırılğan.

Saylavlarğa kelme köstergiçi alçaq edi. Litvaniyada prezident saylavlarınıñ müddetinden evel keçirilmesi ve referendum mayısnıñ 6-nda başlandı.

Menba Avropa aqiqatı
tarih 13.05.2019
kategoriyalar Dünya
paylaşmaq
UA|TV top haberleri