Litvaniya Ukraina Silâlı Quvetleri içün aman-aman million arbiy yedekni berdi

uatv
12.06.2019
Foto kam.lt

İyunniñ 11-nde, aqşam, Ukraina Arbiy ava quvetleri uçaqları Litvaniyadan aman-aman million arbiy yedekni naqil etti. Bu, Sovetler Birliginde yasalğan hafiv silâlar patronları – avtomatlar ve pulemötlar.

Bu aqta Ukrinform Litvaniya Mudafaa nazirligine atfı etip bildire.

Litvaniya Mudafaa naziri Raymunds Karoblisniñ aytqanına köre, arbiy yedekler sıfatında yardım, Litvaniyanıñ Ukrainağa izçen ve er taraflama desteginiñ bir qısmıdır. Bunıñ sayesinde devletimizniñ mudafaa qabiliyeti quvetleştirile, mustaqilligi, suvereniteti ve topraq bütünligi kefalet etile.

Arbiy yedeklerniñ umumiy fiyatı – 255,5 biñ yevro. Yardım kösterilmesi aqqında qararnı Litvaniya ükümeti daa bu seneniñ fevral ayında qabul etti.

Evel, Litvaniya Donbasstaki arbiy ekimlerge reanimobil ve funktsional yataqlar berdi.

Hatırlatamız: Ukraina, Litvaniya ve poloniya beraberlikte telükesizlik komitetini teşkil ettiler.

Menba Ukrinform
tarih 12.06.2019
kategoriyalar CEMİYET
paylaşmaq
UA|TV top haberleri