Litvaniya qırımtatarlarnıñ sürgün etilmesini genotsid dep tanıdı

uatv
06.06.2019
Foto Qırım.Aqiqat

Litvaniya Seymi, 1944 senesi qırımtatar halqı sürgünligini genotsid olaraq tanıdı.

Bu aqta, Litvaniya Seyminiñ malümatına esaslanıp, Avropa Aqiqatı haber etmekte.

Qararğa 77 mebüs qol tuttı. Litvaniya seymi halqara toplulıqnı, qırımtatarlarğa birdemlik köstermege ve Qırımnıñ işğalini tanımama siyasetini devam ettirmege çağırdı.

“Seym, 1944 senesi sovet akimiyetinen mahsus yapılğan ve qırımtatar halqınıñ yoq etilüvige baktırılğan sürgünlikni tenqit etti. Qırımtatarlar Vatanı – Qırımdan Orta Asiyağa çıqarıldı. Neticede sürgün etilgenlerniñ çoqusı açlıq, hastalıqlar, çekişmeler ve ağır işten elâk oldı”, – dep aytıla beyanatta.

Aynı zamanda, seym 2014 senesi Qırımnıñ Rusiye Federatsiyasınen işğal etilmesine, işğalciler yerli ealini repressiyalarğa oğratqanına, qırımtatar tili, medeniyeti ve dinine basqı köstermelerine ve qırımtatar Meclisiniñ yasaq etkenlerine qarşı çıqa.

Menba Avropa aqiqatı
tarih 06.06.2019
kategoriyalar UKRAİNA DÜNYADA
paylaşmaq
UA|TV top haberleri