Lesâ Tsurenko US Open tennis yarışınıñ çerik finalında oynaycaq

US Open-nıñ yarıfinalına çıqmaq içün ukrain sportçısı yapon sportçısı Naomi Osakanen yarışacaq

uatv
05.09.2018

Foto ukrtennis.com saytından

Ukrainanıñ ekinci “raketkası” Lesâ Tsurenko,  New Yorktaki ABD-niñ açıq çempionatında (US Open) bu mevsimniñ soñki tennis turniriniñ çerik finalına çıqtı.

Tsurenko 2 saat 34 daqqa içinde çeh sportçısı Marketa Vondrouşovanı – 6:7 (3:7), 7:5, 6:2 esabınen yeñdi, bildire Ukrinform.

US Opennıñ yarıfinalına çıqmaq içün ukrain sportçısı dünya klassifikatsiyası boyunca 19 yerde yerleşken yapon sportçısı Naomi Osakanen yarışacaq.

Tsurenko karyerası boyunca, Grand Slam turnirler seriyasında birinci kere çerik finalğa çıqtı.

ABD açıq çempionatı sentâbrniñ 9-nda yekünlenecek.

Hatırlatmaq isteymiz ki, ukrain tennisçileri US Open çempionatında milliy rekordnı etti.

Джерело Ukrinform
дата 05.09.2018
категорії ŞERİKLERNİÑ HABERLERİ, Sport
поділитися
Топ новин на UA|TV