#KyivNotKiev: Türkiye ve Romaniya ava limanları ukrain şeerleri adlarınıñ yazılışını deñiştirdi

uatv
21.03.2019
Foto Ukrinform-UATV

Atatürk halqara türk ava limanı ve Buharest ava limanı #KyivNotKiev fleşmobına qoşuldı ve ukrain şeerleri adlarınıñ yazılışını deñiştirdi.

Bu aqta öz Twitter saifesinde İstanbuldaki ukrain konsulı Aleksandr Gaman yazdı.

Endiden soñ bu ava limanlarında Kyiv, Odesa, Lviv ve Kharkiv şeerleri adlarınıñ doğru yazılışı qullanılacaq.

2018 senesi oktâbr ayında Ukraian Tışqı işler nazirligi CorrectUA heşteg ile canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazuvını “Kiev” yerine “Kyiv”ge deñiştirmege ricanen muracaat eteler. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs ava limanları.

Menba UATV
tarih 21.03.2019
kategoriyalar TURİZM
paylaşmaq
UA|TV top haberleri