KyivNotKiev: Qatar ava limanı ukrain paytahtınıñ yazılışını tüzetti

uatv
18.11.2019
Foto Ukraina TİN

Qatarnıñ “Hamad” halqara ava limanı ukrain paytahtınıñ yazılışını tüzetti. Endiden ava limanı Kiev yerine Kyiv qullana.

Bu aqta Ukraina Tışqı işler nazirligi haber ete.

“Yahşı haberler! #CorrectUA tedbirler çerçivesinde elçilikniñ işi neticesinde Qatarnıñ “Hamad” halqara ava limanı (Hamad International Airport) öz resmiy internet saifesinde paytahtımıznıñ yazılışını tüzetti. Endi Kyiv!”, – yazıla malümatta.

Yaqınlarda Parisnıñ bütün ava limanları ukrain paytahtınıñ yazılışını deñiştirdi.

Ukraina Tışqı işler nazirliginiñ bildirgenine köre, Ukraina paytahtı adınıñ yazılışını 59 ava limanı, 3 uçaq şirketi, 12 çetel kütleviy haber vastası, agentlikler, malümat kitapları ve kütüphaneler deñiştirgen.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti.

Menba UATV
tarih 18.11.2019
kategoriyalar TURİZM
paylaşmaq
UA|TV top haberleri