#KyivNotKiev: Praga ava limanı Ukraina paytahtı adını doğru yazıp başladı

uatv
16.09.2019
Foto Ukrinform-UATV

Çehiya paytahtı Pragada Vatslav Gavel adını taşığan ava limanı Ukraina paytahtı adınıñ yazılışını tüzetti ve Kiev yerine Kyiv yazıp başladı.

Bu aqta Çehiyadaki Ukraina elçisi Yevgeniy Perebiynis Facebook saifesinde haber etti.

“Elçilikniñ ğayreti nafile olmadı. Çoq qandırılğan ve tüşüngen soñ Praganıñ Vatslav Gavel adını taşığan ava limanı ne ise Ukraina paytahtı adını doğru yazıp başlağan memleketlerge qoşuldı. Söz sırası, Odesa da adı endiden doğru yazıla. Sağ oluñız!”, – dep yazdı elçi.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 16.09.2019
kategoriyalar TURİZM
paylaşmaq
UA|TV top haberleri