#KyivNotKiev: İsviçre halqara ava limanı Ukraina paytahtınıñ adını doğru yazıp başladı

uatv
16.05.2019
Foto Ukrinform-UATV

İsviçreniñ eñ balaban halqara ava limanı Kyivniñ adını ukrain transliteratsiyasına köre yazmağa başladı.

Bu aqta Twitterde Ukraina Tışqı işler nazirligi haber etti.

“Merkeziy Avropada adamlarnen tolup-taşqan ava limanlarından biri, İsviçreniñ eñ balaban halqara ava limanı ve baş tranzit hub Kiev yerine Kyiv yazıp başladı. Berndeki Ukraina Elçiliginiñ işdeşlerine muvafaqiyetli aytışmalar içün, ava limanınıñ müdiriyetine ise #CorrectUA kapmaniyağa qol tutqanları içün minnetdarmız”,- yazıla malümatta.

Keçenlerde ukrain paytahtınıñ yazılışını Finlândiya halqara ava limanı tüzetti.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 16.05.2019
kategoriyalar TURİZM
paylaşmaq
UA|TV top haberleri