#KyivNotKiev: Finlândiya halqara ava limanı ukrain paytahtınıñ yazılışını tüzetti

uatv
15.05.2019
Foto Facebook Embassy of Ukraine in the Republic of Finland and Iceland

Finlândiyanıñ baş halqara ava limanı Kyivniñ adını ukrain transliteratsiyasına köre qullanmağa başladı.

Bu aqta Finlândiya ve İslandiyadaki Ukraina Elçiligi Facebookta haber ete.

“Bugun Finlândiyanıñ baş halqara ava limanı Helsinki Airport Ukraina Tışqı işler nazirliginiñ CorrectUA kapmaniyasına qoşulğanını ve endiden başlap Ukraina paytahtı Kyivniñ yekâne doğru yazılışını qullanmağa başğanını bildirmige pek hoşnutmız”, – yazıla malümatta.

Keçenlerde, München ava limanı ukrain şeerleriniñ yazılışını tüzetken ilk Almaniya ava limanı oldı.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 15.05.2019
kategoriyalar TURİZM
paylaşmaq
UA|TV top haberleri