#KyivNotKiev: eñ büyük İtaliya müzeylerinden biri Ukraina paytahtı adını doğru yazmağa başladı

uatv
28.05.2019
Foto Facebook CorrectUA

İtaliyanıñ eñ belli üçü arasında olğan Neapol şeeri Milliy mimarlıq müzeyi Ukraina paytahtı adınıñ doğru yazılışını qullanmağa başladı.

Bu aqta Ukraina Tışqı işler nazirliginiñ #CorrectUA canlı kampaniyasınıñ Facebook saifesinde haber etile.

“Kanova ve antik” sergisi çerçivesinde müzey Bogdan ve Varvara Hanenko adına Milliy sanat müzeyinden “Barışıq” (“Mir”) eykelini sergiley.

“Neapoldeki Ukrainabaş konsullığı müzey başlıqlarını ukrain toponimlerniñ doğru transliteratsiyasınıñ qullanuvı aqqında haberdar etti. Endiden başlap #KyivNotKiev. Bütün dünya Ukraina ve onıñ zenginliklerini ket-kete daa çoq köre ke olar aqqında eşite. Tek 2019 senesi aprel ayında müzeyni 100 biñden ziyadâ musafir ziyaret etti”, – yazıla malümatta.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 28.05.2019
kategoriyalar TURİZM
paylaşmaq
UA|TV top haberleri