#KyivNotKiev: Daniya ava limanı Ukraina paytahtınıñ yazılışını tüzetti

uatv
05.04.2019
Foto Ukrinform-UATV

Daniyanıñ “Billunn” halqara ava limanı Ukraina paytahtınıñ yazılışını tüzetti ve Kiev yerine Kyiv yazıp başladı.

Bu aqta Daniyadaki Ukraina elçiligi öz Facebook saifesinde yazdı.

Ava limanınıñ matbuat hızmeti, olar şeerlerniñ adlarını tek ingliz tilindeki yazılışını qullanğanlarını bildirdi.

“Halqara ava limanı olaraq, umumiy siyasetimiz şeerlerniñ adlarını tek ingliz tilindeki yazılışını qullanmaqtır”, – yazıla malümatta.

Evel Kyiv yerine Kiev yazıla edi. Amma şimdi bu hata tüzetildi.

2018 senesi oktâbr ayında Ukraina Tışqı işler nazirligi CorrectUA heşteg ile canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazuvını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto ava limanları.

Menba UATV
tarih 05.04.2019
kategoriyalar TURİZM
paylaşmaq
UA|TV top haberleri