#KyivNotKiev: ABD Kongress kütüphanesi Ukraina paytahtınıñ yazılışını tüzetti

uatv
18.09.2019
Foto Facebook CorrectUA

Amerika Birleşken Devletleri Kongress kütüphanesi Ukraina paytahtı adınıñ doğru yazılışını qullanmağa başladı. Endiden Kiev yerine Kyiv, dep yazılacaq.

Bu aqta CorrectUA teşebbüsiniñ Facebook saifesinde haber etildi.

“Kongress kütüphanesi resmiy tarzda paytahtımıznıñ doğru yazılışını qullanmağa başladı – Kyiv! Şübesiz ki,dünya mıqyasında müsbet deñişmelr olmasına vaqıt kerek, amma adıp adım biz maqsatımızğa irişecekmiz”, – yazıla malümatta.

Evel, Çehiya paytahtı Pragada Vatslav Gavel adını taşığan ava limanı Ukraina paytahtı adınıñ yazılışını tüzetti ve Kiev yerine Kyiv yazıp başladı.

2018 senesi oktâbr ayında Ukraina Tışqı işler nazirligi CorrectUA canlı kampaniyanı başladı. Olar çetel kütleviy haber vastalarına ve şirketlerge, şeeriniñ doğru yazılışını “Kyiv”ge deñiştirmege ricanen muracaat etti. Bu vaqıt içinde bir çoq şirket ukrain paytahtınıñ adını doğru yazıp başladı. Şu cümleden, Luton, Qıbrız, Köpengagen, Budapeşt, Gdansk, Vilnüs, Buharest, İstanbul, Toronto diger ava limanları.

Menba UATV
tarih 18.09.2019
kategoriyalar TURİZM
paylaşmaq
UA|TV top haberleri