Kyivde Dnipro boyunca özen marşrutı açıldı

uatv
11.08.2019
Foto Facebook Oleg Sinelnikov

Avgustnıñ 10-da, Kyivde, tarihiy Podilden Obolonğa yañı özen martrutı açıldı.

Bu aqta UATV Kyiv özen vokzalına atfı etip bildire.

Endiden başlap, şeer sakinleri ve turistler, Dnipronıñ sağ yalısından sol yalısına kezinti geminen qatnap olacaqlar. Gemi Özen vokzalınıñ 13-nci iskelesinden Obolonğacek yürecek. Yolcularnıñ tüşürü ve minsetüv yeri – “Natalka” parkı yanında ponton iskelesi.

Özen vokzalında endi gemi qatnav cedveli bar:

Özen vokzalı – Obolon – 11:00, 13:00, 19:00;

Obolon-Özen vokzalı – 12:00, 14:00, 20:00

Gemi tek raatlıq künleri qatnaycaq.

Bilet fiyatı (eki tarafqa) – 150 grivna, 6 yaşına yetmegen balalar içün – bedava, 6 yaşından 12 qadar – bilet fiyatından 50 faiz endirim.

Menba UATV
tarih 11.08.2019
kategoriyalar TURİZM
paylaşmaq
UA|TV top haberleri