Kyivde arbiy çatışmalrdan sebep elâk olğanlarnıñ hatırası añıldı

uatv
11.11.2019
Foto Ölga Volınets/UATV

Ukraina paytahtında, Arbiy çatışmalarda elâk olğanlarnıñ hatıra kününe bağışlanğan tedbir olıp keçti.

Bu aqta UATV mühbiri Ölga volınets haber ete.

Tedbir Ebediy Şüret parkında Bellisiz asker mezarı yanında olıp keçti. Aktsiyada ukrain diplomatları, arbiyler ve Ukrainada Büyük Britaniya elçisi iştirak etti.

Britaniya ittifaqdaşlığı memleketlerinde Birinci cian cenkiniñ bitme kününde elâk olğanlarnıñ hatırası añıla.

Ukrainada Büyük Britaniya salâhiyetli elçisi Melinda Simmons tedbirniñ teşkil etilmesinde iştirak etkenlerge ve kelip onı ziyaret etkenlerge minnetdarlıq bildirdi.

“Bugun, Qoşma Qırallığı ve İttifaqdaşlıq memleketleri içün ayrı bir kün. Biz, Birinci cian cenkiniñ resmiy tarzda bitmesini qayde temiz (1918 senesi noyabrniñ 11). Amma bu künniñ emiyeti daa ziyade teren ve büyük. Bu, em keçmiş em zemaneviy cenklerde ve çatışmalarda elâk olğanlarnıñ qaramanlığına sayğı kösterüv imkânıdır”, – dedi Simmons.

Bu kibi tedbir Kyivde endi 7-nci kere keçirile.

2018 senesi noyabrniñ 11-nde Kompyen mutareke imzalanılğan edi. Oña köre Birinci cian cenki bitmek kerek edi.

Menba UATV
tarih 11.11.2019
kategoriyalar UKRAİNA
paylaşmaq
UA|TV top haberleri