Kyiv büyük İklim yürüşine qoşulacaq

uatv
17.09.2019
Foto UATV

Ukraina paytahtı, 2019 senesi sentâbrniñ 20-nde dünyanıñ 129 memleketiniñ 2000 ziyade şeerinde olıp keçecek iklim qorçalavına bağaşlanğan büyük narazılıq yürüşine qoşulacaq.

Bu aqta UMH DW-ge atfı etip bildire.

Dünyanıñ türlü-türlü şeerlerinde aktsiyanı “Cumalar kelecek içün” gençler areketiniñ tarafdarları teşkil etecek. Kyivde vaqiağa Amnesty International Ukraina aq-uquq qoruyıca teşkilât da qoşulacaq.

“Bugun-de-bugün, iklim buhranınıñ insan aqlarına berbat tesiriniñ şaatları olamız. Tamam bu sebepten Amnesty International, aq-uquq qoruyıcı teşkilât olıp Ukrainada İklim yürüşine (20.09) ve etraftaki müit qoruvı içün büyük areketke qoşula”, – dep tarif ettiler teşkilâtta.

Kyivde aktsiya sentâbrniñ 20-nde saat 12:00 başlanacaq. Yürüşniñ başı Mıhayliv meydanında olacaq.

Hatırlatamız: Evel, Birleşken Millitler Teşkilâtı fevqulade iklim vaziyetini ilân etti.

Menba UATV
tarih 17.09.2019
kategoriyalar CEMİYET
paylaşmaq
UA|TV top haberleri