“Kyiv” avalimanı 10 künge qapatılacaq

uatv
30.08.2019
Foto Facebook Kyiv Sikorsky Airport

Sentâbr ayında İgor Sikorsiy adını taşığan “Kyiv” avalimanı tamirlev işleri sebebinden 10 künge işini toqtatacaq.

Bu aqta avalimannıñ matbuat hızmetine esaslanaraq UATV haber ete.

Qayd etilgenine köre, avaliman sentâbrt 2 künü saat 09.00-dan sentâbr 12-nece çalışmaycaq.

“Bu vaqıt içinde, “Kyiv” avalimanından bütün uçuşlar “Borıspil” avalimanına keçirilecek. Uçuşlar D ve F terminalları arasında bölünecek. D terminalından Alitalia, Pegasus Airlines, Motor Siç, Belavia ve LOT uçacaq. F terminalı ise Wizz Air, Ernest Airlines, Buta Airways, Jonika Airlines, Vueling Airlines şirketleriniñ yolculuqları içün hızmet etecek”, – dep aytıla bildirmede.

Sentâbrniñ 12-nde saat 09:00-da avaliman işini ğayrıdan başlaycaq.

Menba UATV
tarih 30.08.2019
kategoriyalar TURİZM
paylaşmaq
UA|TV top haberleri