Kuyalnik limanı devlet emiyeti olğan kurort olaraq ilân etildi

uatv
04.03.2019
Foto kuyalnik.net

Prezident Petro Poroşenko Odessa viyaletini ziyaret etken vaqtında, “Odessa vilâyeti Kuyalnik limanıniñ tabiat topraqlarınıñ devlet emiyeti olğan kurort olaraq ilân etilüvi aqqında” Qanun imzaladı.

Bu aqta Prezident müdiriyetiniñ matbuat hızmeti haber ete.

“Kuyalnik limanı devlet emiyeti olğan kurort olaraq ilân etken Ukraina qanunına qanuniy quvet beremiz”, – dedi devlet başı vesiqanı imazalağanında.

Qanunda, muayyen bölge sıñırları ve Kuyalnik kurortınıñ sanitar mıntaqalarınıñ qoruvı belgilenile.

“Devlet emiyeti kurortı statusınıñ berilüvi, yekâne tabiat şifa resurslarnıñ ve Kuyalnik limanınıñ peloidleri yatağınıñ tabiat yerleriniñ ve Kuyalnik minerallı suvlar yatağınıñ ayrı qoruvını ve ratsional şekilde qullanuvını kefalet etecek”, – yazıla malümatta.

Bölgeniñ yerli memurpları ise, böyle qarar Odessa vilâyetine turistlerniñ merağını arrtıracağına ümüt ete. Odessa vilâyet devlet memuriyetiniñ başı Maksim Stepanov, vilâyet yılda 6 million turist qabul etkenini bildirdi.

Onıñ fikrine köre, bu qanuniy deñişmelerniñ amelge keçirilüvi turistler aqımınıñ arttıruvına ketirecek.

Menba UATV
tarih 04.03.2019
kategoriyalar TURİZM
paylaşmaq
UA|TV top haberleri