Kremlniñ siyasiy mabüsleri “Qırım inciri” yarışınıñ finalına çıqtı

uatv
29.11.2019
Foto Qırım evi

Ekinci “Qırım inciri” edebiy yarışınıñ finalistler cedveline qırımlı siyasiy mabüsler kirdi.

Qısqa cedvelge kirgen bütün yarış iştirakçileriniñ cedveli “Qırım evi”niñ Facebook saifesinde bar.

Teşkilâtçılarnıñ malümatına köre, müelliflerniñ birisi – Osman Arifmemetov – grajdan jurnalist, “Qırım birdemligi” cemaat birleşmesiniñ faali. 2019 senesi mart ayında evinde tintüvinden soñ tevqif etildi. О sanki terrorcılıq teşkilâtınıñ faaliyetiniñ teşkil etüvi içün 20 yılğa qadar apis cezası mahküm etile bile. O ukrain tilinde “Menim sürgünim” nesriy eser yollad

Yarışnıñ finalına çıqqan ekinci siyasiy mabüs – Server Mustafayev – “Qırım birdemligi” teşkilâtınıñ koordinatorı, grajdan jurnalist. Server Mustafayev terrorcılıq teşkilâtınıñ faaliyetinde iştirak etkeninen bağlı sahte dava boyunca qabaatlanıla. O 20 yıl apis cezası mahküm etile bile. Server qırımtatar tilinde yazılğan “Alhamdulillâh musulmanım” şiirni yolladı.

Teşkilcilerniñ malümatına köre, ekinci “Qırım inciri” edebiy yarışına Ukrainanıñ 20 vilâyetinden, bundan ğayrı, Türkiye, Poloniya, Bulğaristan ve Ürdünden müellifler iişlerini yolladı.

Джерело UATV
дата 29.11.2019
категорії CEMİYET
поділитися
Топ новин на UA|TV