Kreml mabüsi Andrey Zahteyniñ parmaq buğumları şişti, – apayı

uatv
16.07.2019
Skrin video

Aqmescitniñ cezahanesinde tutulğan “ukrain diversantı” Andrey Zahteyniñ sağlıq alı fenalaştı.

Bu aqta siyasiy mabüsniñ apayı Oksana Zahtey haber etti. Yaqınlarda o aqayınen körüşken, dep bildire Qırım. Aqiqat.

“O, tedaviylene ya da sürekli hastalıq alâmetlerini men ketirgen ilâclarnen yoq ete. Hastalıqları yoq olmadı, cezahanede kösterilgen tibbiy yardım ise, teessüf ki, amma sathiy. Onıñ sürekli gastriti bar, men daima kerekli ilâclar ketirem. Beli – bu zaten müşkül bir mevzudır, bir tarafta yuqlap olamay. Bundan ğayrı, daa sürekli gaymoriti bar bar. Kezintige çıqa, hafiv bir yelçik üfürse bile – birden hastalıqnıñ ağarlaşması başlana. Bu sefer ise, parmaq buğumları şişkenini kördim, bundan sebep keskin ağrı peyda ola. Evel böyle şey yoq edi”, – dep qayd etti qadın.

Bundan ğayrı, Andrey Zahtey ruhtan tüşüp başladı.

“Pek siñirli oldı. Şimdi iç bir kimsege, iç bir şeyge ümüt etmey bile. İstemey boşuna inanmaq, ümütler etmek”, – dep qoştı apayı.

2016 senesi avgust ayında Rusiye Federal telükesizlik hızmeti (FSB) işğal etilgen Qırımda “ukrain diversantları” yaqalanğanını ilân etti. Olar yarımadada teror eylemini kerçekleştirmege azırlanğan ekenler. Tutulğanlar belli bir vaqıt devamında Moskvanıñ Lefortovo taqiqat tevqifhanesinde olıp, Qırımğa ketirilgen edi.

Rusiye mahsus hızmetleri, tevqif etilgen Yevgeniy Panov ve Andrey Zahtey “diversantlar gruppasına” kirgen edi, dep bildirdiler, olar yarımadanıñ turistik ve içtimaiy infrastruktura yerlerinde teror eylemini kerçekleştirmege planlaştırğan ekenler.

Ukraina akimiyeti rusiyelilerniñ ukrainlerge atqan qabaatlavlarını red ete ve bunı mahsus hızmetlerniñ provokatsiyası olaraq tanıy.

Zahtey tahqiqat ile mahkemeden evel añlaşma imzalağan edi. Fevral ayında o 6 yıl ve 6 ayğa sert rejimli cezahanede apis müddetine ve 220 biñ ruble (tahminen 105 biñ grivna) miqdarında para cezasına mahküm etilgen edi.

Menba Qırım. Aqiqat
tarih 16.07.2019
kategoriyalar KREML MABÜSLERİ
paylaşmaq
UA|TV top haberleri