Koronavirustan elâk olğanlarnıñ sayısı 2000-den ziyade oldı

uatv
19.02.2020
Foto AP

Fevralnıñ 19-nda saat 05:50 köre, Çinde COVID-19 koronavirusı doğurğan pnevmoniyadan endi 2006 kişi elâk oldı. Bundan ğayrı daa 4 adam dünyada öldi.

Bu aqta Con Hopkins Universiteti yanındaki Sistema araştırmaları ve injinniring merkezinde haber etildi.

Hastalanğanlarnıñ sayısı 74186 kişi oldı, episi olıp bütün dünyada ise 75199.

Soñki malümatqa köre, 14 532 adam bütünley tedaviylendi.

Hatırlatamız: Çinde koronavirusnı semereli tedaviylev usulını taptılar.

Çin tışında koronavirus hastaları daa 15 memlekette, hususan Avstraliya, Almaniya, Vyetnam, Kanada, Malayziya, Singapur, ABD, Tailand, Frenkistan, Cenübiy Koreya ve Yaponiyada qayd etildi.

Ekimlerniñ bildirgenine köre, yañı koronavirus ağır pnevmoniyanıñ sebebi ola bile. Ayrı bir tedaviylevi yoq, tek alâmetleri yımşatıla bile. Ağır hastalıq immuniteti zayıf olğan insanlarda ve esli-başlılarda ola.

Dünya sağlıq teşkilâtı yañı koronavirusnı dünya seviyesinde fevqulâde vaziyet dep adlandırdı.

Джерело UATV
дата 19.02.2020
категорії Dünya
поділитися
Топ новин на UA|TV