Koronavirustan elâk olğanlarnıñ sayısı 1300 kişiden ziyade oldı

uatv
13.02.2020
Foto AP

Fevralnıñ 13-nde saat 05:00 köre, Çinde COVID-19 koronavirusı doğurğan pnevmoniyadan endi 1358 kişi elâk oldı. 

Bu aqta Con Hopkins Universiteti yanındaki Sistema araştırmaları ve injinniring merkezinde haber etildi.

Hastalanğanlarnıñ sayısı 59 805 kişi oldı, episi olıp bütün dünyada ise 60 328.

Soñki malümatqa köre, 5 986 adam bütünley tedaviylendi. 

Hatırlatamız: Ukraina Tışqı işler nazirligi, Diamond Princess uçağında fevralnıñ 9-nda koronavirusnen hastalanğan 6 yolcu arasında bir ukrain bar olğanı aqqında malümatnı tasdıqladı.

Çin tışında koronavirus hastaları daa 15 memlekette, hususan Avstraliya, Almaniya, Vyetnam, Kanada, Malayziya, Singapur, ABD, Tailand, Frenkistan, Cenübiy Koreya ve Yaponiyada qayd etildi.

Ekimlerniñ bildirgenine köre, yañı koronavirus ağır pnevmoniyanıñ sebebi ola bile. Ayrı bir tedaviylevi yoq, tek alâmetleri yımşatıla bile. Ağır hastalıq immuniteti zayıf olğan insanlarda ve esli-başlılarda ola.

Dünya sağlıq teşkilâtı yañı koronavirusnı dünya seviyesinde fevqulâde vaziyet dep adlandırdı.

Джерело UATV
дата 13.02.2020
категорії Dünya
поділитися
Топ новин на UA|TV