Koronavirus: elâk olğanlarnıñ sayısı 910 kişi oldı

uatv
10.02.2020
Foto AP

Fevralnıñ 10-nda saat 05:00 köre, Çinde 2019 nCoV koronavirusı doğurğan pnevmoniyadan endi 910 kişi elâk oldı.

Bu aqta Con Hopkins Universiteti yanındaki Sistema araştırmaları ve injinniring merkezinde haber etildi.

Çinde hastalanğanlarnıñ sayısı 40 146 kişi oldı, episi olıp bütün dünyada ise 40 514.

Soñki malümatqa köre, 3 301 adam bütünley tedaviylendi.

Hatırlatamız: Ukraina Tışqı işler nazirligi, Diamond Princess uçağında fevralnıñ 9-nda koronavirusnen hastalanğan 6 yolcu arasında bir ukrain bar olğanı aqqında malümatnı tasdıqladı.

Çin tışında koronavirus hastaları daa 15 memlekette, hususan Avstraliya, Almaniya, Vyetnam, Kanada, Malayziya, Singapur, ABD, Tailand, Frenkistan, Cenübiy Koreya ve Yaponiyada qayd etildi.

Ekimlerniñ bildirgenine köre, yañı koronavirus ağır pnevmoniyanıñ sebebi ola bile. Ayrı bir tedaviylevi yoq, tek alâmetleri yımşatıla bile. Ağır hastalıq immuniteti zayıf olğan insanlarda ve esli-başlılarda ola.

Dünya sağlıq teşkilâtı yañı koronavirusnı dünya seviyesinde fevqulâde vaziyet dep adlandırdı.

Джерело UATV
дата 10.02.2020
категорії Dünya
поділитися
Топ новин на UA|TV