Kanada Ukrainanı parlament saylavlarınıñ muvafaqiyetli keçirilüvinen hayırladı

uatv
22.07.2019
Foto Ukrinform-UATV

Kanadа Tışqı işler nazirligi Ukrainanı nevbetten tış parlament saylavlarınıñ muvafaqiyetli keçirilüvinen hayırladı.

Buna ait bildirüvni idareniñ matbuat hızmeti Twitterde yerleştirdi.

“Ukraina halqını parlament saylavlarınıñ keçirilüvinen hayırlaymız. Serbest ve namuslı saylavlarnen ğururlanamız. Ottava ileride de Ukrainağa qoltutmağa devam etecek” , – yazıla hayırlavda.

Hatırlatamız: İyülniñ 21-nde Ukrainada nevbetten tış parlament saylavları olıp keçti.

Merkeziy saylav komissiyasınıñ malümatına köre, saylayıcılarnıñ 49,84%-ı rey berdi. Bu raqam Ukraina parlament saylavlarında saylayıcılarnıñ faaligine köre eñ alçaq oldı.

Polis, milliy gvardiya, qırtarıcılar ve sıñırcılar iç bir bozuvlarnı qayd etmedi.

Menba UATV
tarih 22.07.2019
kategoriyalar UKRAİNA
paylaşmaq
UA|TV top haberleri