Kanada parlamentinde Ukrainada 1932-33 seneleri Golodomor qurbanlarınıñ hatırası añıldı

Resmiy tedbir büyük facianıñ 85 yıllığı munasebetinen keçirildi

uatv
21.11.2018

Foto: Kadadaki Ukraina elçiligi

Kanada mebüsleri, federetiv nazirler, diplomatlar ve ukrain toplulığınıñ yolbaşçıları Ukrainada 1932-33 seneleri Golodomor vaqtında elâk olğanlarnıñ hatırasını andılar.

Bu aqta Ukrinform haber ete.

Kanadanıñ mudafaa naziri Harcit Sacan, ukrainlerniñ kendi devletiniñ şekillenüv ve inkişaf etüv prosessine qoşqan büyük isselerini qayd etti ve bunıñ kibi facianıñ tekrarlanmasına asla ketirmemek çağırdı.

Kanadadaki Ukraina elçisi Andrey Şevçenko Ukrainağa ve onıñ medeniy mirasınıñ saqlap qalmasına qol tutqan er keske minnetdarlıq bildirdi. Ve şunı qayd etti ki, Golodomor qurbanlarına bağışlanğan ilk abide Kanadanıñ Alberta eyaletinde tiklenilgen edi. Ukrainada ise abide otuz yıldan soñ peyda oldı.

Bunıñ ile Kanada 2008 senesi Golodomornı ukrain halqına qarşı genotsid eylemi olaraq tanığan ilk memlekettir.

Menba Ukrinform
tarih 21.11.2018
kategoriyalar UKRAİNA DÜNYADA
paylaşmaq
UA|TV top haberleri