Kanada parlament azaları işke vışıvanka kiyip keldi (FOTO)

uatv
16.05.2019
Foto Facebook Andrey Şevçenko

Kanada mebüsleri Bütün dünya vışıvanka kününe qoşuldı. Olar parlamentke ukrain milliy urbasında keldi.

Bu aqta Facebook saifesinde Kanadadaki Ukraina elçisi Andriy Şevçenko haber etti.

“Kanada parlamentini ukrain örneklerinen toldurdıq. Ottavada Vışıvanka kününi Kanada mebüsleri ve ukrain internlerinen keçiremiz”, -yazdı diplomat.

Bütün dünya vışıvanka kününiñ qutlanılmasına Kanada baş naziri Castin Trüdo da qoşuldı.

Bugün dünyanıñ 50-den ziyade memleketinde keçirile Vışıvaşka künü.

Menba UATV
tarih 16.05.2019
kategoriyalar CEMİYET
paylaşmaq
UA|TV top haberleri