Kanada dünya toplulığını İranğa basqını arttırmağa davet etti

uatv
24.02.2020
Foto Twitter IRNA

Muafazakâr fırqasından Kanada Temsilciler palatasınıñ azası Kerri Diott dünya toplulığını Ukraina halqara ava yolları uçağınıñ qazasını açıq tahqiqatını temin etmege maqsadınen İranğa basıqını arttırmağa davet etti.

Bu aqta Ukrinform haber etti.

Siyasetçi, Tegeran uçaqtaki “qara qutularnı” ukrain tarafına bermek kerek, dep saya.

“Olar (İran – muar.) tam olaraq işbirlik etmeyler. Dünya toplulığı olarğa basqını arttırmaq kerek, dep sayam. Siz (Ukraina – muar.) “qara qutuplarnı” almaq kereksiñiz, bizge olarnı menfaatı olmağan taraf baqqanı kerek”, – qayd etti o.

Diott, o, Palatada temsil etken bölgede çoq ukrain yaşağanını qayd etti. Ve uçaq qazası aqqında bilgende şaşırğanını ayttı.

“Bu şok edi. Bizge tam ve açıq tahqiqat kerek. Tek böyle etip, alâ daa cevapsız olğan suallerge cevap tapıp olurmız”, – dep saya mebus.

Ukraina halqara ava yolları uçağınıñ qazasında 57 Kanada vatandaşı elâk oldı.

Джерело UATV
дата 24.02.2020
категорії SİYASET
поділитися
Топ новин на UA|TV