Justin Trudeau, İranda uçaq qazası davasında “adalet” olacağına söz berdi

uatv
13.01.2020
Foto Ukrinform-UATV

Canada baş naziri Justin Trudeau, İranda “Ukraina halqara ava yolları” uçağı urup tüşürilgen soñ adalet olacağına vade etti.

Bu aqta UATV Azatlıq Radiosına atfı etip bildire.

“Cevap almağance, biz raatlanmaycaqmız”, – dep qayd etti Justin Trudeau.

Uçaqta 54 Canada vatandaşı bar edi.

Hatırlatamız: Uçaq qazası tahqiqatı boyunca Kanada gruppası yanvarnıñ 14-nde Canadada toplanacaq.

Ukraina halqara ava yolları uçaq şirketiniñ Boeing 737 uçağı yanvarnıñ 8-nde Tegeranda İamam Homeyn ava limanından uçqanından çoq keçmeden qazağa oğradı. Uçaqta 167 adam ve 9 ekipaj azası edi.

Evel, Tegeran civarında tüşken “Ukraina halqara ava yollarınıñ” uçağı İran arbiyleri tarafından “istemeyip tüşürildi”, dep haber etilgen edi. Bu aqta İran akimiyetiniñ beyanatında aytıla, onı BBC ve Associated Press bildire.

Resmiy Tegeran malümatına köre, uçaq İslâm inqilâbı qaravul korpusınıñ müim obyektlerinden biri tarafına aylanğanda “duşman nişanı” olaraq köründi. Arbiyler, ABD ile kerginleşken munasebetler sebebinden “eñ yüksek seviyede azır edi”, bu “insan hatasına” yol açtı.

Джерело UATV
дата 13.01.2020
категорії Dünya
поділитися
Топ новин на UA|TV