İyülniñ 13-nde faaller Oleg Sentsovğa bağışlanğan Dünya birdemlik künü keçirecekler

uatv
11.07.2019
Foto Ukrinform-UATV

Oleg Sentsovnıñ doğğan kününde faaller siyasiy mabüske bağışlanğan Dünya birdemlik künü teşkil etecekler.

Bu aqta UATV “Oleg Sentsovnen gece” gruppağa atfı etip, haber ete .

Kyivde, iyülniñ 13-nde, Kreml mabüsine qoltutmaq içün tedbir keçirilecek. Göñülliler aqşam saat 20:00 başlap gecege qadar Sentsovnıñ metinlerinden parçalar oquycaqlar, siyasiy mabüslerge bağışlanğan muzıka diñleycekler, ve oleg Sentsovğa yollananılacaq mektüpler yazacaqlar. Bunıñ ile vesiqalı filmler kösterilüvi olacaq.

“Siyasiy mabüslerniñ soy-sopları, meşur yazıcılar ve yırcılar, aq-uquq qoruyıcılar ve faaller 43 yaşını toldurğan ukrain rejissörı aqqında daa bir kere hatırlatmaq içün beraber toplaşacaqlar”, – dep haber ete teşkilâtçılar.

Olar er kesni aktsiyağa qoşulmağa ve Oleg Sentsovnı doğğan künü munasebeti ile hayırlamağa davet eteler.

Tedbir Naberejno-Lugovaya 8 soqağı boyunca IZONE platforması binasında keçecek.

Oleg Sentsovnıñ doğğan künü arfesinde, faaller Avropa Birligi başlıqlarını, Ukrainanıñ işğal etilgen Qırım ve Donbass bölgeleri içün temsilcini tayin etmege, siyasiy mabüslerniñ mevzusındaki mahkeme oturışlarını nezaret etmege ve mustaqil ekimler missiyalarını yollamağa davet ettiler.

Джерело UATV
дата 11.07.2019
категорії KREML MABÜSLERİ
поділитися
Топ новин на UA|TV