İtaliyada 76-ncı Venedik kinofestivali başlandı

uatv
29.08.2019
Foto Ukrinform-UATV

Halqara kinofestival Lido adasında keçe. O, sentâbrniñ 7-nece devam etecek, dep haber ete Gazeta.ua.

Venedik kinofestivali – dünyada eñ eski kinofestival dep sayıla. O, 1932 senesi qurulğan edi. Kannı ve Berlin kinofestivallerinen birlikte eñ namlı kinofestivaller sırasına kire.

Esas mukâfat – “Altın arslan” içün bu sene 21 levha yarışacaq.

Kinofestivalde üç ukrain kinolevhası iştirak etecek. Bu – “Pofarbovanıy ptaşenâ” (“Boyalanğan quşçıq”), “Atlantida”, rej. Valentın Vasânovıç ve Litvaniya, Ukraina ve Frenkistan tarafından çıqarılğan “Stasis” levhası (rejissör Mantas Kvedaraviçüs).

Keçken sene yarışnıñ ğalibi – meksikan rejisserı Alfonso Kuaronnıñ “Roma” draması oldı. Bu sene fevral ayında bu film “Oskar” yarışında üç mukâfat aldı: eñ yahşı rejissör işi, operator işi ve ecnebiy tilde eñ yahşı film.

Hatırlatamız, Kyivde Ukraina aqqında türk tilinde film çıqarılmağa başladı.

Bundan evel, Nariman Aliyevniñ “Evge” filmi “Oskar” namzeti olğanı haber etilgen edi.

Menba UATV
tarih 29.08.2019
kategoriyalar MEDENİYET
paylaşmaq
UA|TV top haberleri