İsviçrede ava taksisiniñ areketke ketirilüvi planlaştırıla

SBB şirketi, işlep çıqarıluv içün alman Lilium şirketi ile endi memorandum imzaladı

uatv
15.01.2019

Foto Ukrinform-UATV

Yaqında İsviçre federal demiryolları (SBB) uça bilecek taksilerni taqdim etecek.

Bu aqta Ukrinform The Local neşrine atfı etip bildire.

SBB şirketi, yañı taksilerniñ işlep çıqarıluvı içün alman Lilium şirketi ile endi memorandum imzaladı.

Şirkette, şahsiy naqil etilüv hızmetleri kelecekte esas olacağı qayd etile. Bundan ğayrı Lilium şirketinde al-azırda, saatta 300 kilometr mesafeni aşqan ve ğayeniñ amelge keçirilüvi içün qullana bilgen elektrik ava naqliyatı prototipi bar.

İşleyiciler, ava taksisiniñ hızmetleri yardımı ile yolcular yemiröl stantsiyaları, ava limanları, ükümt binaları ya da uzaq bölgeler arasında mesafelerni daa tez keçip olacaqlarına inanalar.

Menba Ukrinform
tarih 15.01.2019
kategoriyalar TEHNOLOGİYALAR
paylaşmaq
UA|TV top haberleri