İstanbulnıñ yañı avalimanı dört ukrain şeeriniñ yazılmasını tüzetti

uatv
21.05.2019
Foto Ukrinform-UATV

Keçken sene oktâbr ayında çalışıp başlağan yañı İstanbul avalimanı da ukrain transliteratsiyası qaidelerine riayet ete.

Bu aqta İstanbulda Ukraina Baş Konsullığınıñ matbuat hızmeti haber etmekte.

Böyleliknen Lvov, Odessa, Kyev, Zaporozhye rus transliteratsiyaları yerine ukrain Lviv, Odesa, Kyiv, Zaporizhzhia kirsetildi.

“Bugun resmiy şekilde uçaqlar İstanbuldan Lviv, Odesa, Kyiv, Zaporizhzhia şeerlerine uçacaq dep olamız. Olar mından başqa şeerlerge de qatnay, meselâ Kherson, amma bu adlarnen iç bir zorluqlar çıqmağan edi”, – dep, aytıla beyanatta.

“Türkiyede muracaatımızğa cevap berip, er şeyni doğurlağanları içün büyükten-büyük teşekkür bildiremiz”, – dep, qoştılar Baş Konsullıqta.

Bundan evel İstanbuldaki “Atatürk” ve Buharet avalimanları #KyivNotKiev fleşmobına qoşulıp, ukrain şeerleriniñ yazılmasını deñiştirgen ediler.

Menba UATV
tarih 21.05.2019
kategoriyalar TURİZM
paylaşmaq
UA|TV top haberleri