İstanbulda halqara ombudsmenler konferentsiyası açıldı (FOTO)

18.11.2019
Foto Facebook Lüdmila Denisova

Bugün, “Kerekli idare etüv printsipleri ve ombudsmen” II İstanbul halqara ombudsmenler konferentsiyasınıñ tantanalı açıluvı olıp keçti. Tedbirde Türkiye prezidenti Recep Tayip Erdoğan, Türkiye ükümetiniñ temsilcileri ve bütün dünyadan ombudsmenler iştirak etti.

Bu aqta Ukraina Yuqarı Radası insan aqları vekâletlisi Lüdmila Denisova haber etti.

Eki kün içünde Ukrainadan delegatsiya üç sessiyanı ziyaret etecek. Anda, insan aqlarını mükemmeleştirmek içün kerekli idare etüv esas printsiplerine dair sualler muzakere etilecek.

“Bundan ğayrı malümatqa irişim, onıñ qabul etilmez suistimalı ve şahsiy malümatnıñ qorçalavı aqqında sualler muzakere etilecek. Konferentsiya neticelerine köre eñ eyi halqara tecribe Ukrainada qullanılacaq”, – dep qoştı o.

Menba
tarih 18.11.2019
kategoriyalar CEMİYET
paylaşmaq
UA|TV top haberleri