İskoçiya “Brexit”ten soñ Avropa Birligi terkibinde qalacaq ola

uatv
19.09.2019
Foto AP

İskoçiya, Büyük Britaniya AB terkibinden çıqqan soñ, Avropa Birliginiñ mustaqil azası olmaq istey.

Bunı İskoçiya ükümetiniñ birinci naziri Nicola Sturgeon bildirdi. Bu aqta DW haber ete.

Nazir, Büyük Britaniya Avropa Birligi terkibinden çıqmaycağına ümüt ete. O, “Brexit”ten soñ İskoçiya “Avropa Birliginiñ mustaqil bir aza memleketi olmaq kerek”, dep qayd etti.

“Büyük Britaniya Avropa Birliginden añlaşma olmadan çıqmasınıñ telükesiye ğayet yüksektir, ve bu kibi taqdirde bütün memleket zarar körecek. Biz, “qattı” Brexit olmaması içün çalışmağa devam etecekmiz, atta Büyük Britaniyanıñ Avropa Birligi terkibinden çıqma müddetiniñ uzatılmasına irişmek kerekmiz”, – dep qoştı Nicola Sturgeon.

Bundan ğayrı o, İskoçida 2020 senesi Büyük Britaniya ve Şimaliy İrlandiya Qoşma Qırallığı terkibinden çıqma aqqında tekrar referendum keçirmege teklif etti.

Büyük Britaniya baş naziri Boris Johnson, Brüksel ile añlaşma qabul etilmese bile, oktâbrniñ 31-nde Büyük Britaniya Avropa Birlignden çıqacaq, dep bildirdi.

Evel, Büyük Britaniya parlamenti oktâbrniñ 14-ne qadar işini toqtatacaq, dep haber etildi.

Hatırlatamız: Büyük Britaniya qırıliçesi Yelizaveta II, baş nazir Boris Johnsonnıñ vaqtınca parlament işniñ toqtatılması aqqında teklifini taqdirledi. Johnson bu kibi adımnı, mebuslar Büyük Britaniyanıñ Avropa Birligi terkibinden añlaşma olmadan çıqmasını kestirip olamasınlar, dep yaptı.

Menba DW
tarih 19.09.2019
kategoriyalar Dünya
paylaşmaq
UA|TV top haberleri